La Liga pa dyshim se është një ndër kampionatet më të fuqishme futbollistike në Europë, ndërsa një gjë të tillë më së miri dëshmojnë rezultatet dhe trofetë e fituara nga klubet spanjolle në arenën ndërkombëtare, njofton “infOSport.mk”.
E besoni dot, apo jo në 5 vitet e fundit skuadrat nga Spanja kanë fituar 14 nga gjithsej 15 trofe europian, përfshirë këtu Ligën e Kampionëve, Liga Europan si dhe Superkupën.
Kjo e fundit këtë vit do të flasë spanjollisht, pasi në finalen e madhe që do të zhvillohet në muajin gusht në Takin, do të përballen dy skuadrat madrilene, Real Madridi (fitues i Ligës së Kampionëve) dhe Atletiko Madridi (fitues i Liga Europa). Një gjë e këtillë kishte ndodhur edhe në vitet 2014, 2015 dhe 2016, kur në dy raste Reali i Madridit dhe në një rast tjetër Barcelona ishin takuar kundër skuadrës së Seviljës.
Vetëm Mançester Junajtedi i Hoze Murinjos e prish dominimin total të Spanjës në këto 5 vitet e fundit, teksa vitin e kaluar fitoi Liga Europa, kur mundi Ajaksin në finalen e madhe, mirëpo që më pas në arenën “Filipi i Dytë” në Shkup të humbas trofeun e Superkupës nga Reali i Madridit, transmeton “infOSport.mk”.
Ndryshe në Ligën e Kampionëve Reali i Madridit ka fituar 4 trofe, ndërsa një tjetër Barcelona, Superkupat janë tre të madrilenëve dhe një e “katalunasve”, teksa Në Lliga Europa shohim një dominim të Seviljës që ka fituar tre trofe të njëpasnjëshëm, para se Junajtedi ti gëzohej të njëjtit vitin e kaluar dhe Atletiko Madridi këtë vit.
