Shqiptarët në Maqedoni prej sot e tutje mund të krenohen edhe për një arritje në aspektin sportiv, pasi edhe një shqiptarë tjetër merr një pozicion të rëndësishëm në njërën prej federatave të sportit. Bëhet fjalë për Sedat Mehmetin që emërohet nënkryetar i Federatës së Basketbollit të Maqedonisë.
Mehmeti erdhi në këtë post, pas kuvendit zgjedhor të mbajtur në federatën e basketbollit në vend, ndërsa me të njejtin shqiptarët do të kenë edhe nga një anëtar në të gjitha postet drejtuese të kësaj federate.
Mehmeti është njohës i mirë i basketbollit vendor, përderisa për 10 vite ka qenë president i Klubit të Basketbollit Shkupi. /InfOSport.mk
