Bellasica vendos që Boreci të luaj në balotazh

Sot në Ligën e Dytë – Lindje në program ishin ndeshjet e xhiros së fundit, ku edhe përfundimisht u mësuan emrat e skuadrave që do luajnë një rang të garave më poshtë dhe kush do të luaj në balotazh, duke pasur parasysh se emri i kampionit ishte mësuar që kohë më parë, njofton “infOSport.mk”.

Skuadra që do të luaj në balotazh, është Boreci, që sot në transfertën në Makedonska Kamenicë mundën Sasa-n me rezultatin  1:3.

Skuadra nga Velesi mbi të gjitha duhet ti falënderohet Bellasicës, që në teren vendas barazoi 1:1 me Bregallnicën, skuadër kjo që vetëm me fitore do të siguronte vendin e balotazhit.

Kësisoj Boreci do të luaj në balotazh me  Gostivarin, teksa tre skuadrat e Konferencës së Lindjes që do të luajnë një rang të garave më poshtë janë Turnova, Pobeda e Valandovës dhe Osogova.