Mohamed Sallah ka reaguar pas spekulimeve rreth transferimit të tij nga Liverpulli, te kampionët në fuqi të Europës, Real Madridit, me të cilën skuadër ata do të takohen në finalen e sivjeme të Ligës së Kampionëve Europian.
Mirëpo Sallah nuk e ka mendjen tek spekulimet për të ardhmen e tij, duke pohuar se është i angazhuar për të arritur edhe më shumë me Liverpullin, edhe përkundër raporteve të ndryshme të mediave europiane se Real Madridi e dëshiron atë në rradhët e veta.
“Jam shumë i lumtur këtu, çdo gjë është mirë”, ka thënë fillimisht Sallah për gazetarët e pranishëm në ceremoni.
“Sigurisht që unë kam ambicie për të ardhmen time me Liverpullin”.
“Siç mund ta shihni, kemi pasur një sezon të mirë, tani jemi në finalen e Ligës së Kampionëve dhe të gjithë janë të ngazëllyer”, – transmeton “Albeu.com”.
“Është vetëm fillimi, ky është viti im i parë këtu dhe është e njëjtë për disa lojtarë të tjerë, por është vetëm fillimi”, – përfundoi ylli egjiptian.
