Legjenda e futbollit turk, Hakan Shukur, që me prejardhje është nga Kosova, ka shkruar në “Tëitter” për rastin e fundit të deportimit të gjashtë turqve për në Turqi, njofton Klan Kosova.
Shukur ka shkruar duke kërkuar nga kryeministri, Ramush Haradinaj e presidenti, Hashim Thaçi, që të shkarkojnë njerëzit përgjegjës dhe të kthejnë prapa të deportuarit.
“Si djalë i prindërve nga Prishtina, kërkoj nga ju që të ndaloni këtë nonses që po bëni duke e poshtëruar vendin tuaj”, shkruan Shukur.
“Detyra juaj nuk është vetëm të shkarkoni zyrtarët përgjegjës, por edhe t’i ktheni ata burra përsëri tek familjet e tyre dhe fëmijët e tyre”.
“Është shumë e rëndësishme që të ribashkohen me familjet e tyre baballarët dhe bashkëshortët e pafajshëm, dhe të shkarkohen njerëzit përgjegjës për këtë akt absolutisht të turpshëm”.
Vetë Shukur jeton në Shtetet e Bashkuara të Amerikës sepse edhe ai, njëjtë si turqit e deportuar, konsiderohet si mbështetës i klerikut Fetullah Gulen.
Nga qeveria turke, Gulen cilësohet si terrorist.
