Duket se një nga blerjet më të bujshme të verës te Milani, mbrojtësi anësor Andrea Konti është vërtetë i pafat. Ish futbollisti i Atalantës pësoi një këputje ligamentesh në prag të fillimit të sezonit dhe iu nënshtrua një operacioni që e mbajti jashtë për rreth 6 muaj.
Kur dukej se çdo gjë kishte kaluar dhe futbollisti po stërvitej rregullisht me grupin, një tjetër surprizë e pakëndshme vjen për të.
Konti ka ndërprerë stërvitjen e sotme me Milanin, për shkak se ka ndjerë shqetësime në gju dhe është dërguar menjëherë në klinikë.
Paraprakisht dyshohet se dëmtimi nuk është i një shkalle të rëndë si ai i mëparshmi, por që gjithsesi do ta mbajë ende edhe për disa kohë jashtë skuadrës.
Në ditët në vijim, Konti do t’i nënshtrohet analizave më të detajuara për të përcaktuar edhe afatet e rikuperimit, por ajo që është e qartë tashmë, është se mbrojtësi e ka humbur sezonin.
