Ylli portugez i Realit të Madridit, Kristiano Ronaldo, kërkon të jetë futbollisti më i paguar në planet. Pavarësisht se ka fituar “Topin e Artë” për dy vite me radhë, 33-vjeçari është vetëm lojtari i tretë më i paguar në botë.
Sulmuesi portugez fiton më pak se Nejmar dhe Messi, por synon ta ndryshojë këtë gjë kur të nënshkruajë kontratën e re.
Sipas “Mundo Deportivo”, ai ka kërkuar të fitojë 1 milionë euro më shumë se ylli i Barcelona-s dhe rivali i tij i përjetshëm, Leo Messi.
CR7 ka kërkuar përfshirjen e disa bonuseve në kontratën e re, që të pasqyrojnë trofetë individual dhe golat e shënuar. Ronaldo ka qenë në formë të shkëlqyer në javët e fundit pas një fillimi të ngadaltë në këtë sezon.
Ai ka shënuar 21 gola në 11 ndeshjet e fundit duke ndihmuar Real Madridin të arrijë në çerekfinalet e Ligës së Kampionëve Europian. Kjo paraqitje e tij, gjithashtu, ka ndihmuar Real Madrid të sigurojë pozicionimin mes katër vendeve të para në kampionat.
