Edhe përtej polemikave që ka pasur nga disa klube europiane, FIFA ka vendosur që sistemi “VAR” të përdoret edhe në Botërorin “Rusi 2018”.
“Do të kemi Botërorin e parë me ‘VAR’. Natyrisht që jemi të kënaqur për këtë vendim”, – ka thënë presidenti i FIFA-s, Xhiani Infantino.
“VAR” nuk ka gjetur ende aplikim në dy kompeticionet më të rëndësishme europiane në nivel klubesh, Ligën e Kampionëve dhe Liga Europa, por mesa duket, edhe në këto dy kompeticione është çështje kohe që të vihet në përdorim.
