Këtë fundjavë u zhvilluan ndeshjet e javës së 5-të të stinorit pranveror në elitën e futbollit vendor, njofton “infOSport.mk”. Shkëndija është dukshëm skuadra më e mirë e këtyre 5 javëve të para, duke regjistruar 4 fitore dhe një barazim. Përveç “kuqezinjëve”, dy skuadrat tjera që nuk dinë për disfatë gjatë pjesës pranverore janë edhe Renova dhe skuadra e fundit në tabelë, Skopje.
Që të dyja këto skuadra kanë regjistruar një fitore dhe nga katër barazime, teksa pas tyre me 6 pikë renditet Shkupi, që në 5 xhiro ka arritur një fitore, 3 barazime dhe një disfatë, pikërisht ndaj Shkëndijës.
Kampionët në fuqi të vendit, Vardari pjesën pranverore e nisi shumë dobët, duke regjistruar vetëm një fitore, dy barazime dhe dy disfata, ndërsa mbi të gjitha “kuqezinjtë” nga Shkupi u eliminuan edhe nga Kupa e Maqedonisë, pasi u dorëzuan nga rivali i tyre i madh, Shkëndija, transmeton “infOSport.mk”.
Dy skuadrat më të dobëta të 5 javëve të para në gjysmësezonin e dytë janë Akademia Pandevi dhe Pobeda që ende nuk kanë regjistruar asnjë fitore.
| Renditja Tabelare – sezoni pranveror | |||||||
| # | Ekipi | Nd. | F | B | H | G-av | Pikë |
| 1 | Shkëndija | 5 | 4 | 1 | 0 | 10 : 1 | 13 |
| 2 | Renova | 5 | 1 | 4 | 0 | 3 : 2 | 7 |
| 3 | Skopje | 5 | 1 | 4 | 0 | 2 : 1 | 7 |
| 4 | Shkupi | 5 | 1 | 3 | 1 | 10:10 | 6 |
| 5 | Vardari | 5 | 1 | 2 | 2 | 7 : 6 | 5 |
| 6 | Sileksi | 4 | 1 | 2 | 1 | 4 : 4 | 5 |
| 7 | Pelisteri | 4 | 1 | 2 | 1 | 4 : 4 | 5 |
| 8 | Rabotniçki | 5 | 1 | 2 | 2 | 5 : 7 | 5 |
| 9 | A.Pandev | 5 | 0 | 3 | 2 | 3 : 7 | 3 |
| 10 | Pobeda | 5 | 0 | 3 | 2 | 4 : 10 | 3 |
