Dëmtim i rëndë për Sane, mund të mungojë rreth një muaj (VIDEO)

Gjermani i Mançester Sitit, Leroj Sane ka pësuar një dëmtim të rëndë, i cili ka trembur edhe trajnerin, Pep Guardiolan. Sane morri një goditje brutale sipër kaviljes, në sfidën e FA Kupës kundër Kardifit, kur Xhoe Benet ndërhyri nga prapa, në minutën e 45-të, duke penguar Leroj Sane, i cili u përplas në tokë, teksa këmba iu përthye gati e gjitha.

Ishte Aguero, ai i cili zëvendësoi gjermanin, Sane, i cili më pas u transportua për në spital, ndërsa pas përfundimit të ndeshjes trajneri i “citizens”, Pep Guardiola, tha se futbollisti i tyre mund të mungojë 2- 4 javë, mirëpo për më tepër detaje do të duhet të presin deri nesër. Pep përveç kësaj, ju bëri ftesë arbitrëve që të kujdesen më shumë për futbollistët.

Shocker from that scruffy c*nt Bennett on Sane. Perfectly good goal chalked off from the inept Lee Mason, and now he classes this leg breaker just a yellow??? #ccfcvcity pic.twitter.com/Q7dMPg4bLO

— Carlito (@Cajosolu) January 28, 2018

“Ai do të jetë jashtë fushave të futbollistë për një kohë, them minimum dy deri tre javë, a ndoshta edhe një muaj. Do shohim nesër saktë se sa kohë do mungojë nga fushat e futbollit” – tha Pep Guardiola në Konferencën për shtyp.

Sa i përket rezultatit të takimit, Mançester Siti shënoi fitore 2:0 dhe siguroi një vend për në ndeshjet e 1/8 së finales së FA Kupës.