FC Shkupi nga data 22 janar do të transferohet në Antalia të Turqisë, ndërsa burime të “infOSport.mk” bëjnë me dije se para nisjes për në tokën turke, drejtuesit e skuadrës nga Çairi tifozëve të tyre do ju ofrojnë edhe një super përforcim. Bëhet fjalë për një futbollistë që luan në krahët e sulmit, ndërsa pas vetes përveç eksperiencës së futbollin vendor, ka një eksperiencë bukur të mirë edhe në arenën ndërkombëtare.
Për shërbimet e tij janë të interesuara edhe disa skuadra nga jashtë, mirëpo si duket projekti i drejtuesve të rinj të skuadrës nga Çairi i ka lënë përshtypje dhe me shumë seriozitet është duke menduar rikthimin në futbollin tonë vendor.
Rikujtojmë FC Shkupi gjatë këtij afati kalimtarë transferoi Bllagoja Ljamçevskin dhe Bazhe Iilijoskin nga rradhët e Pelisterit, pastaj Rron Brojën e KF Trepça ’89, si dhe futbollistin e Shkëndijës, Stefan Vujçiç.
