Mesfushori i Mançester Junajtedit, Henrikh Mikhtarian për të 7-tën herë me rradhë është shpallur futbollisti numër 1 në Armeni.
Në garën për çmimin e më të mirit për vitin 2017-të në futbollin armen, Mikhtarian la pas vetes futbollistin e Vardarit, Tigran Barsegian, ndërsa si i treti në këtë klasifikim u rendit Varazdat Arojan nga skuadra ruse e Ural. Armeni i dytë te skuadra e Vardarit, Hovahanes Hambarxhumjan u rendit vetëm si i pesti.
Gjatë vitit 2017-të Mikhtarian me Mançester Junajtedin fitoi trofeun e Liga Europa, si dhe Liga Kupën e Anglisë.
Në anën tjetër Barsegian me Vardarin e tij u shpall kampion i Maqedonisë, ndërsa për herë të parë në historikun e skuadrës shkupjane ai luajti në ndeshjet në grupe të Liga Europa.
