Flojd Majvedher po e shijon kohën e lirë në maksimum pas tërheqjes nga ringu profesional i boksit. Kampioni i botës së fundmi ka vizituar disa miq të rinj në Moskë të Rusisë ku ka shkrepur edhe foto me një tigër tepër të frikshëm.
Boksieri amerikan përveç se “zbuste” kundërshtarët e tij në ring, ai si duket ia ka dalë të zbusë edhe këtë tigër gjigand, mirëpo me metoda krejtësisht të ndryshme, vetëm e vetëm për të bërë një foto me të.
40-vjeçari më parë kaloi kohë me dy tigra ndërsa shoqëruesit e tij ndiheshin të frikësuar.
Flojd Mujvedher nuk është i pari boksier që ka treguar interes për macet e mëdha, pasi më parë edhe boksieri i famshëm amerikan, Majk Tajson mbante tre tigra të Bengalit në shtëpinë e tij.
