Lionel Messi dhe Barcelona kanë bërë zyrtare marrëveshjen e tyre për rinovimin e kontratës të bashkëpunimit deri në vitin 2021. Kontrata e shumëpërfolur e Messit, e cila siç ishte paralajmëruar nga presidenti Bartomeu, ishte firmosur prej kohësh, ka lënë vend edhe për spekulime, pikërisht për foton e munguar, por tashmë kjo mund të quhet një çështje e mbyllur.
Në këtë mënyrë, Messi do të vijojë të jetë ikona e klubit katalanas deri në vitin 2021, ndërsa klauzola e largimit kushton 700 milionë euro, shifër kjo e vendosur për të përjashtuar njëherë e mirë mundësinë e përsëritjes së historisë me Neymarin, gjatë kësaj vere.
Mesi me katalanasit numëron 602 ndeshje të luajtura, ku ka shënuar 523 gola dhe ka fituar plotë 30 tituj.
