Ndeshja e parë e javës së 7-të në elitën e futbollit vendor midis Renovës dhe Shkupit është mbyllur me barazim pa gola, njofton “infOSport.mk”.
“Bardhekaltërit” nga Çairi në këtë mënyrë vazhduan serinë prej 4 ndeshjeve pa disfatë, ndërsa në anën tjetër Renova mbetet me vetëm një fitore pas 7 xhirove të para, duke konfirmuar krizën e rezultateve.
Pjesa e parë ishte e barazpeshuar me FC Shkupin më kërkues, teksa në pjesën e dytë Renova në disa raste tentoi portën e Zendelit, por pa sukses.
Në fund barazim pa gola, që ngrit FC Shkupin në pozitën e tretë me 11 pikë, po aq sa ka edhe Akademia Pandev në pozitën e dytë, teksa Renova me 6 pikë të tubuara renditet në pozitën e 6-të.
