Roma pa shumë probleme ka sënuar fitore në ndeshjen e fundit të së shtunës në kuadër të javës së tretë në elitën e futbollit italian, pasi sonte në “Olimpiko” me rezultatin 3:0 mundi Veronën, shkruan “infOSport.mk”.
Punën e “verdhekuqve” e lehtësoi edhe kartoni i kuq i futbollistit mysafir, Souprayen në minutën e 66-të.
Roma golin e parë e realizoi në minutën e 22-të me anë të belgut, Raxha Naingolan, i cili mjaft mirë shfrytëzoi asistin e El Sharavit.
Në minutën e 34-të të besuarit e Di Françeskos gjetën edhe golin e dytë me anë të bohsnjakut, Edin Xheko, i cili me kokë shënoi për 2:0.
Qendërsulmuesi i “verdhekuqve” shënoi edhe golin e tretë në minutën e 61-të, duke i dhënë goditjen e nokautit Veronës që regjistroi humbjen e dytë në Serie A.
Në anën tjetër për Romën ishte kjo fitorja e dytë, që e ngjet këtë skuadër përkohësisht në vendin e shtatë me 6 pikë të tubuara.
