Struga Trim Lum dhe Gostivari janë ndarë me barazim 1:1 në ndeshjen e javës së tretë në Ligën e Dytë Perëndim, shkruan “infOSport.mk”. Në një ndeshje tipike kampionale, ku vendasit ishin më kërkues në fund të dyja skuadrat duheshe të pajtohen me ndarjen e pikëve.
Struga Trim Lum shënoi gol vetëm pas 8 minutave lojë me anë të sulmuesit Blagojçe Glavevski, teksa Gostivari deri tek barazimi arriti vetëm në pjesën e dytë, më saktësisht në minutën e 68-të me anë të sulmuesit, Boban Mariq.
Për Struga Trim Lum ishte ky barazimi i dytë, teksa për Gostivarin vetëm barazimi i parë. Megjithatë edhe përkundër këtij fakti skuadra e trajnerit Mensur Jakupi vazhdon të kryesojë tabelën e klasifikimit me 7 pikë, një më shumë se Vëllazërimi i pozitës së dytë, që sot me rezultatin 2:0 mundi Zajazin në derbin kërçovarë, teksa Struga Trim Lum tashmë ndodhet në pozitën e tretë me 5 pikë të tubuara.
EuroMilku edhe përkundër disavantazhit që kishte në fund shënoi fitore ndaj Teteksit në transfertë me rezultatin 2:1, teksa dy ndeshjet tjera të kësaj jave në Ligën e Dytë Perëndim midis Novacit dhe Lokomotivës si dhe ajo midis Makedonija Gj.P. dhe Labunishtës u mbyllën me barazime identike, 1:1.
|
LDFM – Perëndim, Java III |
||
| Struga Trim & Lum | 1 – 1 | KF Gostivari |
| Novaci | 1 – 1 | Lokomotiva |
| Vëllazërimi | 2 – 0 | Zajazi |
| Teteksi | 1 – 2 | EuroMilku |
| Makedonija Gj.P | 1 – 1 | Labunishta |
