Futbollisti shqiptar, Rej Manaj, nuk ka mundur të bindë drejtuesit e Interit për të qëndruar në “San Siro” në këtë sezon dhe sërish është marrë vendimi për ta huazuar atë.
Ditën e sotme mediat italiane shkruajnë për sulmuesin shqiptar se zikaltërit kanë rënë dakord ta huazojnë lojtarin në ligën e dytë spanjolle te skuadra e Granada-s.
Aventura e sezonit të kaluar te Pisa në Serie B, nuk shkoi si duhet për sulmuesin nga Lushnja, i cili këtë vit ka mundësinë që të tregojë vlerat e tij edhe në futbollin spanjoll për të bindur më pas drejtuesit e Interit që ta rikthejnë në skuadër.
