Zajazi është skuadra e vetme shqiptare që ka pësuar disfatë në ndeshjet e javës së parë në Ligën e Dytë Futbollistike të Maqedonisë – Perëndim. Skuadra e trajnerit Ismail Ismaili pësoi disfatë 2:3 në transfertën ndaj Teteksit, për të cilën skuadër golin e parë pas vetëm 3 minutave lojë e realizoi futbollisti shqiptarë, Sherif Rexhepi.
Zajazi u kundërpërgjigjë me anë të Shqiprim Rufatit në minutën e 27-të, gol ky që rezultoi të jetë edhe i fundit i shënuari gjatë 45 minutave të para që u mbyllën me shifrat 1:1.
Filip Jovanovski ende pa përfunduar minuta e parë e plotë gjatë pjesës së dytë, sërish gëzoi tifozët e Teteksit, skuadër kjo që në ato momente avansonte me rezultatin 2:1, mirëpo vetëm për pak çaste, pasi Zajazi në minutë e 58-të me anë të Dardan Xheladinit barazoi rezultatin edhe për herë të dytë në këtë ndeshje.
Për fitoren e Teteksit në këtë përballje u përkujdes Mario Stankovski me golin e realizuar në minutën e 66-të. Vlen të theksohet se përveç Rexhepit, te Teteksi ndaj Zajazit luajtën edhe portieri Saladin Mustafi, Enis Dervishi, Emir Aziri dhe Ensar Baftijari.
|
LDFM – Perëndim, Java I |
||
| FC Struga Trim & Lum | 2 – 0 | Labunishta |
| KF Gostivari | 1 – 0 | Lokomotiva |
| Makedonija Gj.P | 0 – 2 | Vëllazërimi |
| Novaci | 2 – 0 | EuroMilku |
| Teteksi | 3 – 2 | Zajazi |
