Armend Alimi është një emër me fat për Shkëndijën, kur janë në pyetje ndeshjet ndaj rivalit të madh, Vardarit, shkruan “infOSport.mk”.
Një gjë të tillë e dëshmojnë të dhënat statistikore, sa u përket golave të shënuar nga ana e mesfushorit kumanovarë në përballjet ndaj skuadrës shkupjane.
Alimi në 17 ndeshje të zhvilluara me fanellën e Shkëndijës ndaj Vardarit ka shënuar 3 gola, prej të cilave në dy ndeshje skuadra tetovare ka dalë fitues, ndërsa një përballje ishte mbyllur me barazimin 1:1.
Ishte ajo përballja e 17 prillit të vitit 2016-të e zhvilluar në Shkup, ndërsa në një ndeshje tjetër që Alimi i kishte shënuar Vardarit, kishte qenë ajo e 24 shtatorit të vitit 2014-të, në kuadër të Kupës së Maqedonisë, kur Shkëndija në Tetovë kishte shënuar fitore me rezultatin 2:1, njofton “infOSport.mk”.
29-vjeçari Alimi pjesë e Shkëndijës është nga 24 korriku i vitit 2014-të, kur në Tetovë erdhi nga skuadra qipriote e Ermis. Ai që nga atëherë me fanellën e Shkëndijës ka zhvilluar plotë 104 ndeshje, duke realizuar edhe 20 gola.
