Trajneri i FC Shkupit, Ardian Nuhiu, para pak çastesh ka bërë publik formacionin e skuadrës së tij që do të zbres në fushë përballë Akademia Pandev, në ndeshjen e parë të sezonit të ri futbollistik 2017/2018.
Në portë do të jetë i pazëvendësueshmi, njëherit kapiteni i skuadrës, Suat Zendeli. Në krahët e mbrojtjes do të jenë Edis Maliqi dhe Fisnik Zuka, ndërkohë në qendër të saj, dyshja Sedat Berisha-Besart Krivanjeva.
Në mesfushë do të luajnë Muarem Bajrami dhe Ermedin Adem, teksa në pjesën ofenzive dyshja e re e ardhur nga rradhët e Shkëndijës, Shqiprim Taipi-Shpend Asani, të cilët do të ndihmojnë qendërsulmuesin Emanuel Mbella.
Ndeshja Shkupi – Akademia Pandev starton në ora 17:00.
