Besir Demiri, një ndër futbollistët më të mirë të skuadrës kampione të Maqedonisë, Vardarit, në një prononcim për “infOSport.mk”, ka folur lidhur me kundërshtarin e rradhës të “kuqezinjëve”, Fenerbahçen në fazën “Play-Off” të Liga Europa.
Sipas Demirit Fenerbahçe është favorit, por megjithatë edhe Vardari ka gjasa në këtë dy luftim, kuptohet nëse do të përsëriste ndeshjet e fundit që i zhvilloi në eliminatoret e Ligës së Kampionëve, duke përjashtuar këtu 15 minutëshin e fundit ndaj Kopenhagenit.
“Morëm një ndër kundërshtarët më të fortë që kishim në grup para shortit të ndeshjeve në “play-off”. E dijmë se Fenerbahçe çdo vjet garon për titullin e kampionit në Turqi, por edhe është pjesëmarrëse e grupeve të Ligës së Kampionëve, apo Liga Europa. Kanë futbollistë shumë cilësorë, por gjithashtu e dijmë se futbolli është sport ekipor, nuk është individual. Shpresoj që ti përsërisim ndeshjet e fundit që luajtëm në Ligën e Kampionëve, duke harruar 15 minutat e fundit të ndeshjes me Kopenhagenin” – tha enkas për “infOSport.mk”, Besir Demiri.
Rikujtojmë 15 minutat e fundit të takimit ndaj Kopenhagenit në Danimarkë, rezultuan fatale për Vardarin, pasi në atë periudhë kampionët në fuqi të Maqedonisë pësuan dy gola, duke u mundur me rezultatin 4:1, edhe pse deri në ato momente kishin një rezultat aktiv (2:1), një disfatë kjo e pranueshme për skuadrën shkupjane, që në ndeshjen e parë në Shkup kishte mundur danezët me rezultatin 1:0.
