Mesfushori tetovar, Muhamed Useini prej dje edhe zyrtarisht është një futbollist i lirë, njofton “infOSport.mk”. Useinit më datë 01 qershor i skadoi kontrata që kishte me Renovën, pjesë e së cilës ishte në dy sezonet e fundit.
I pyetur nga “infOSport.mk” lidhur me planet që ka, Useini me përgjigje:
“Fillimisht kam nevojë për pushim pasiqë sezoni sapo u mbyll. Ka disa solucione që po i shqyrtoj, por prap po e cek se njëherë kam nevojë për pushim dhe më duhet pak kohë para se të bëjë hapin e rradhës”.
Do mbetet Meti pjesë e Lligës së Parë, apo ndoshta do transferohet jashtë vendit, një gjë e tillë mbetet të shihet gjatë këtij muaji, duke pasur parasysh se tashmë edhe zyrtarisht ka filluar merkatoja e verës, atëherë kur skuadrat bëjnë lëvizjet e tyre.
“Të dy mundësitë janë reale. Ka skuadra edhe nga Liga jonë që interesohen, mirëpo këtu si opcion është edhe Shqipëria. Megjithatë po them se për momentin nuk ka asgjë zyrtare” – u shpreh për “infOSport.mk”, Muhamed Useini.
Gjatë sezonit që lamë pas Useini me Renovën zhvilloi gjithsej 29 ndeshje, duke regjistruar edhe dy gola, njërin prej të cilëve ndaj skuadrës së Shkëndijës.
