Futbollisti shqiptarë, Lutfi Bilali, të shtunën në ndeshjen e javës së 6-të në Ligën e Dytë finlandeze (Ykkonen) ka shënuar golin e tij të parë me fanellën e skuadrës së Haka, skuadër kjo e cila megjithatë në fund pësoi disfatë ndaj OPS me rezultatin 1:2.
Goli i Lutfiut ishte i vetmi i shënuar nga ana e skuadrës vendase, ndërsa këtë gol Lutfiu e festoi me sexhde.
“Nuk mund si të ishte ndryshe, pasi ishim në ditën e parë të këtij muaji të shenjtë të Ramazanit dhe ishte goli im i parë në kampionat. Falemenderimi i takon Allahut☝️.” – kishte shkruar në profilin e tij në “facebook” futbollisti nga Gostivari.
Bilali në këtë ndeshje luajti deri në minutën e 69-të, duke u zëvendësuar nga Ahonen, ndërsa ishte kjo ndeshja e tij e 6-të me fanellën e skuadrës së Haka, skuadër kjo e cila pas 6 xhirove në Ligën e Dytë Finlandeze ka tubuar 7 pikë, dhe aktualisht ndodhet në pozitën e 5-të.
Javën që vjen Haka do të luaj si mysafir ndaj skuadrës së Jaro.
