Maqedonia U 15 barazon me Kinën në turneun në Shangaj

Përfaqësuesja U 15 e Maqedonisë ka barazuar 1:1 kundër Republikës Popullure të Kinës në ndeshjen e parë të turneut që PO zhvillohet në Shangaj.

Formacioni i Maqedonisë i udhëhequr nga Mario Vujoviq ishte kundërshtar më i mirë përballë përfaqësueses vendase, ndërsa pjesë  eformacionit të parë ndaj kinezëve ishin edhe që në formacionin e parë u inkuadruan edhe Ali Asani dhe Rilind Ajdini, i cili në minutën e 79-të u zëvendësua nga Jasin Sali.

Rastin e parë për Maqedoninë e kishte Mario Kosteski në minutën e 21-të, mirëpo nuk arriti të realizojë.

Kinezët avansuan në minutën e 42-të pas një gabimi të portierit të Maqedonisë, duke kaluar në epërsi 1:0. Mirëpo në vazhdim Maqedonia luajti mjaftueshëm mirë për të shmangur disfatën dhe për të marrë rezultat pozitiv në takimin e parë të këtij turneu.

Në minutën e 56-të Stefan Gjorgiev nuk shfrytëzoi mundësi të mirë për gol, por kjo mundësi ishte paralajmërim për barazimin që erdhi në minutën e 60-të me super golin e Mario Kosteskit.

Ndeshja mundej të përfundonte në favor të Maqedonisë, mirëpo Dimitar Todorovski në minutën e 83-të me goditje të bukur paraboloi portierin, mirëpo traversa shpëtoi vendasit.

“Jam i kënaqur me atë që performuam edhe pse lëshuam raste për fitore. Posaçërisht në pjesën e dytë kur nuk realizuam disa mundësi të mira për gol të dytë. Ishim të barabartë në pjesën e parë, por pranuam një gol të lehtë pas gabimit të portierit”, deklaroi seleksionuesi Vujoviq.

Maqedonia U 15 pas dy ditëve do të zhvillojë edhe ndeshjen e dytë në kuadër të gturneut në Shangaj, kur për kundërshtarë do të ketë Korenë e Veriut.