Pasi Diego Simeone qartë bëri me dije se edhe sezonin e ardhshëm do të drejtojë Atletiko Madridin, skuadra e Interit tashmë ka kthyer vëmendjen te një emër tjetër shumë i njohur, që vjen sërish nga La Liga, edhe atë nga treshja e madhe e skuadrave spanjolle.
Fjala është për Luis Enriken, trajnerin e Barcelonës, i cili siç dihet në fund të këtij sezoni do të jetë një trajner i lirë.
Sipas asaj që raportojnë mediat italiane, e ardhmja e Luis Enrikes mund të jetë në “Serie A”, edhe atë pikërisht te skuadra “zikaltër”, drejtuesit e së cilës skuadër janë në kërkim të një trajneri të suksesshëm, me të cilin do të rinisnin një erë të re.
Rikujtojmë ditë më parë drejtuesit e Interit shkarkuan trajnerin Stefano Pioli, me ç’rast deri në mbyllje të këtij edicioni ata do të udhëhiqen nga trajneri i të rinjëve, Stefano Veçi.
