Dushan Basta ka arritur që të shënojë gol pas plotë 79 ndeshjeve në Serie A, njofton “infOSport.mk”. Futbollisti serb shënoi golin e dytë në përballjen derbi të javës së 34-të kundër Romës, duke i dhënë avantazhin skuadrës “laciale” edhe për herë të dytë ndaj rivalëve lokal, ndesje kjo që po zhvillohet në këto momente.
Basta realizoi në minutën e 50-të për rezultat 1:2, pasi paraprakisht për Lacion kishte shënuar Keita Balde, derisa golin e barazimit për Romën e kishte realizuar Daniele De Rosi nga pika e bardhë.
Për Dushan Basta ishte ky goli i tij i parë me fanellën e Lacios, prej kur se ky futbollist është pjesë e skuadrës nga kryeqendra italiane, që nga viti 2014-të kur kishte arritur nga rradhët e Udinezes, shkruan “infOSport.mk”.
Pikërisht me këtë skuadër kishte shënuar golin e tij të fundit në “Serie A”, edhe atë para plot 79 ndeshjeve, dhe pikërisht ndaj Romës në disfatën 3:2 në ndeshjen e 17 marsit të vitit 2014.
