Vëllazërimi ka marrë një fitore mjaft të rëndësishme në luftë për mbijetesë në Ligën e Dytë Futbollistike të Maqedonisë, duke mundur në Kërçovë skuadrën shkupjane të EuroMilk, njfofton “infOSport.mk”.
Të përzgjedhurit e trajnerit Xhengiz Rexhepi dominuan gjatë gjithë ndeshjes, me ç’rast fati deshi që ata në minutat shtesë ti gëzohen golit të fitores, të cilin e realizoi kapiteni Kushtrim Ballazhi, kur mjaft mirë u gjind në zonën kundërshtare dhe nga brendia e zonës arriti që të mposht portierin kundërshtarë, Lazarevski.
Ishte kjo fitorja e 5-të për Vëllazërimin, skuadër kjo e cila mbetet sërish në pozitën e 7-të, por tashmë me 18 pikë, dy më shumë se Tikveshi në pozitën e 8-të që sot në duelin e drejtpërdrejtë të zonës së rrezikshme në Tetovë mposhti Teteksin me rezultatin minimal 1:0, transmeton “infOSport.mk”.
Në stadiumin në “Kukush” në Strumicë, Turnova mundi Metalurgun me rezultatin 2:0, derisa Novaci me rezultatin minimal 1:0 mposhti Vardar Negotinën.
Të shtunën në Autokomandë u zhvillua derbi ndeshja e javës, ku Skopje me rezultatin 3:2 mundi liderin aktual Akademija Pandev.
| LDFM, Java XVII | ||
| Novaci | 1 – 0 |
Vardar N. |
| Teteksi | 0 – 1 | Tikveshi |
| Turnova | 2 – 0 | Metalurgu |
| Vëllazërimi | 1 – 0 | Euromilk |
| E shtunë | ||
| Skopje |
3 – 2 |
Akademija P. |
