Boreci të mërkurën mundi Makedonija Gj.P në Shkup, duke regjistruar në këtë mënyrë fitoren e parë në ndeshjet në transfertë, njofton “infOSport.mk”.
Skuadra e trajnerit Gorazd Mihajllov në 22 javët paraprake asnjëherë nuk kishte mundur të marrë fitore jashtë Velesit, ku në 11 ndeshjet e deritanishme kishte regjistruar vetëm 2 barazime dhe plotë 9 disfata.
Ndeshja e 12-të si mysafir doli të jetë me fat për këtë skuadër, pasi dje falë golave të shënuar nga Radoviç dhe Desniq që në pjesën e parë mundi Makedonija GJ.P me shifrat 2:0.
Me këtë fitore, e 7-të në këtë sezon, Boreci tashmë ka lëshuar pozitën e fundit në renditje, që mbahet nga Struga Trim Lum.
Foto: gol.mk
