Një super lajm na vjen nga Turqia, aty ku djelmoshat e ri të FC Shkupit të udhëhequr nga Alisa Vishi, në konkurrencë të skuadrave të mëdha turke arritën të sigurojnë një vend për në fazën e dytë, atë eliminuese, njofton “infOSport.mk”.
FC Shkupi që ishte në grup të njëjtë me Fenerbahçen, Menemenspor, Bandirmagücü dhe Smyrana Atletik, ja arriti qëllimit që të zë vendin e dytë në grup me 7 pikë, derisa Fenerbahçe u ndal në pozitën e parë me 12 pikë.
__________
LAJME EKSKLUZIVE NGA INFOSPORT.MK
Dëshironi të informoheni të parët me lajme ekskluzive?
Atëherë bashkohuni me grupin tonë këtu në FACEBOOK…
Pas disfatës 0:3 nga gjigandët e Fenerbahçes, djelmoshat e ri të FC Shkupit mundën ekipin e Menemenspor (2:1) dhe Bandirmagücü (4:0), derisa barazuan 1:1 me Smyrana Atletik.
Dy fitore, një barazim dhe një disfatë, u mundësoi atyre kualifikimin për në ndeshjet çerekfinale, aty ku do të luajnë edhe Galatasaray, Fenerbahçe, Menemenspor, Goztepe, Bashakshehir, Altay dhe Bursaspor.
Mbetet të shihet se kush do të jetë kundërshtari i FC Shkupit në këtë fazë, derisa i kënaqur me këtë arritje është ndarë edhe trajneri Alisa Vishi: “Për ne si skuadër që për herë të parë po marrim pjesë në një turne kaq të fuqishëm, është shumë me rëndëi kalimi në fazën eliminuese. Vërtetë nuk e kemi pritur një gjë të tillë, mirëpo falë talentëve që kemi në skuadër në fund i’a dolëm. Jemi shumë krenar me këtë arritje, pavarësisht rezultatit, apo rezultateve në vijim”. (infOSport.mk)
