Mançester Siti do të duhet të luaj pa mesfushorin Rodri deri në fund të sezonit. Pas kontrolleve të bëra shtesë mëngjesin e sotëm, u mësua se spanjolli ka këputur ligamentet e kryqëzuara në gjurin e djathtë.
Rodri u dëmtua në ndeshjen e fundit që Siti e zhvilloi kundër Arsenalit.
28-vjeçari Rodrigo Hernandez këtë edicion në Premierligën angleze ka luajtur vetëm 66 minuta, pasi i njëjti ishte kursyer nga trajneri Pep Guardiola, pas një sezoni shumë të ngarkuar, kur me Sitin u shpallën kampion, por gjithashtu edhe pas pjesëmarrjes së tij në Euro 2024, ku me Spanjën e tij shkuan deri në fund, duke u shpallur edhe kampion të Europës.
Rodri nga shumica e ekspertëve vlerësohet si mesfushori më i mirë defanziv në botë, duke dhënë një kontribut të jashtëzakonshëm viteve të fundit me fanellën e Sitit.
Sipas shumë njohësve të futbollit, Rodri shihet si një ndër kandidatët më serioz që këtë vit të fitojë “Topin e Artë”. (infOSport.mk)
