Goli i tij i dha vulë triumfit të Lille ndaj Slavia Pragës, në ndeshjen e parë të “Play-Off” në kuadër të Ligës së Kampionëve. Por për ta kompletuar kualifikimin në fazën e grupeve, Edon Zhegrovës me shokë u duhet ta kalojnë edhe sfidën e dytë ndaj çekëve, që në program është sonte.
Skuadrës francize ku luan reprezentuesi i Kosovës, pos fitores, i mjafton edhe barazimi dhe eventualisht një humbje minimale, pasi nga përballja e parë kanë diferencë prej dy golash (2:0).
Edhe më mirë me ekipin e tij, qëndron futbollisti tjetër shqiptarë, Arbër Hoxha.
Fitorja e Dinamo Zagrebit 3:0 në “Maksimir”, thuajse i ka dhënë kualifikimin kampionëve të Kroacisë, nëse nuk do të ndodh ndonjë mrekulli sonte për vendasit e Qarabag.
Te këta të fundit angazhohet ish-sulmuesi i Laçit e Tiranës, Redon Xhixha.
Ndërkohë mbrëmë, plotë 6 shqiptarë siguruan pjesmarrjen në fazën e grupeve të Ligës së Kampionëve.
Albion Rrahmani, Ermal Krasniqi, Qazim Laçi, Indrit Tuci e Enes Osmani te Sparta e Pragës, kurse Kastriot Tahiri, u kualifikua me kampionët e Zvicrës, Jang Bojs, duke mposhtur Galatasarajin në mes të Stambollit.
