![](http://www.infosport.mk/wp-content/uploads/2024/06/Mitajj1.jpg)
Super Mario Mitaj bënë pjesë në “Top 5” mbrojtësit më të mirë, që kanë rikuperuar më shumë topa gjatë Europianit në fazën e grupeve. Me 15 raste, Mitaj qëndron më poshtë vetëm se Bastoni, Orban, Karniçnik dhe Gvardiol.
Me Kombëtaren shqiptare Mitaj luajti në të trija ndeshjet e Europianit si titular, duke mos u zëvendësuar fare nga trajneri Sylvinho.
Paraqitjet e tij të mira ranë edhe në syrin e tifozëve shqiptarë, që në shumë raste brohorisnin emrin e tij. Ai aktualisht është pjesë e skuadrës së njohur ruse të Lokomotivës së Moskës, mirëpo me performancën e treguar në këtë europian, e ardhmja e tij me siguri do të jetë diku në ligat më të forta europiane.
Interes për 20-vjeçarin ka shfaqur gjigandi Italian, Juventusi, por nuk mungojnë edhe disa skuadra tjera që do të tentojnë të bindin Mitajn, i cili me fanellën e kombëtares shqiptare tashmë numëron 16 paraqitje, po aq sa kishte zhvilluar edhe me kombëtaren “kuqezi” shpresa. (infOSport.mk)