![](http://www.infosport.mk/wp-content/uploads/2024/06/shkupi-academy1.jpg)
Në kuadër të aktiviteteve të ndryshme, FC Shkupi Academy së fundmi ishte pjesmarrës në turneun ndërkombëtar “Sarajevo Troophy”. Në këtë turne skuadra nga Çairi u përfaqësua me katër gjenerata, edhe atë ajo e lindur në vitin 2010, me trajner Minas Osmanin, gjeneratën e vitit 2012, e udhëhequr nga trajneri Ferdi Ismaili, gjenerata e lindur në vitin 2015 e drejtuar nga Ferid Veseli, dhe ajo e vitit 2016, që udhëhiqej nga Samet Sinani.
Pikërisht këta të fundit (gjenerata 2016) arritën suksesin më të madh, duke u renditur në vendin e tretë, ndërkohë tre gjeneratat tjera arritën deri në fazën çerekfinale.
Në këtë turne, morrën pjesë mbi 3000 lojtarë nga 9 shtete të ndryshme, ndërsa gjithçka doli të jetë perfekte sa i përket organizimit të këtij turneu, në të cilin nga FC Shkupi Academy besojnë se do të marrin sërish pjesë edhe viteve në vijim.
Ndryshe vlen të theksohet se gardiani i FC Shkupit, gjenerata 2016, Suhejb Braimi, ishte përzgjedhur si më i miri i turneut tek moshatarët e tij. (infOSport.mk)