Shqipëria nuk ka bërë për vetë vetëm tifozët shqiptarë anembanë botës, por edhe trajnerë të njohur. Një ndër ta është edhe Hoze Murinjo, i cili nuk ka mundur ti rezistojë lojës së bukur të “kuqezinjëve”, teksa ka bërë një reagim në profilin e tij zyrtarë në Tëitter.
Portugezi thekson se Shqipëria po thyen çod parashikim dhe se përkundër faktit që ndodhet në grupin e “vdekjes”, po bën ndeshje fantastike.
“Shqipëria është një nga skuadrat që ka thyer çdo parashikim. Në grupin e vdekjes me zero pritshmëri, stadiume plot, ndeshje të bukura, gola në sekondat e para dhe gola në minutat e fundit. Një skuadër plot jetë në kërkim të fitoreve. Nuk e kishim parë një gjë të tillë që prej Kosta Rikës në Botërorin e 2014-s. Kulmi i futbollit”, ka shkruar “Special One”.
