Një ngjarje e ngjashme me atë që kishte ndodhur vite më parë në Beograd, në ndeshjen midis Serbisë dhe Shqipërisë, ka ndodhur sont edhe në ndeshjet e Liga Europa, shkruan “infOSport.mk”.
Bëhet fjalë për ndeshjen e grupit “A”, midis Dudelanzh dhe Karabag, që u zhvillua
në stadiumin “Josy Barthel” në Luksemburg, kur rezultati ishte 2:0 në të mirë të klubit nga Azerbajxhani.
Europa League game F91 vs Qarabag suspended after a drone with Political message flew over the players…. pic.twitter.com/Igr07SOhbs
— 'Tobi (@AlhajiSpartan) October 3, 2019
Droni përmbante simbole të Armenisë dhe kjo ishte një befasi e hidhur për futbollistët mysafirë. Këta të fundit njihen për konfliktet e tyre me Armeninë ndër vite.
Konflikti është aq i ndjeshëm sa që Henrikh Mkhitaryan, nuk ishte lejuar të merrte pjesë në finalen e Ligës së Evropës në Baku, shkaku që ishte armen.
Pas gjithë këtij rasti, futbollistët e Karabagut braktisën menjëherë fushën e lojës, për tu rikthyer sërish në fushë, aty ku vendasve ju dhanë përgjigjen e duhur duke ju shënuar edhe dy gola të tjerë, dhe në fund duke shënuar fitore me rezultatin 4:1.
