![](http://www.infosport.mk/wp-content/uploads/2018/04/Allegri.jpg)
Trajneri aktual i Juventusit, Masimiliano Allegri është shumë pranë për të marrë drejtimin e Çelzit. Strategu italian në këtë post pritet të zëvendësojë bashkëpatriotin e tij, Antonio Konte, i cili tashmë një kohë më të gjatë lidhet me një largim të mundshëm nga “Stemford Brixh”.
Derisa spanjolli, Luis Enrike është konsideruar si kandidati më serioz për të marrë drejtimin e kampionëve në fuqi të Anglisë, ish trajneri i Barcelonës nuk dëshiron të ngutet në marrjen e një vendimi.
Ndërkohë, Allegri e ka pranuar se dëshiron ta vazhdojë karrierën në Premierligë, ashtu që shumë lehtë mund të ndodh, që Çelzi sërish të udhëhiqet nga një strateg italian.